DITARI NR. 14 @ RIO 2016
Programi i dueleve ekipore
Shkruan: Luan MORINA
19 August, 2016 @12:22
Nuk ka më dhimbshëm se të humbësh si norvegjezet në hendboll mbrëmë. Pas dy vazhdimeve të barazuara në fund dhe dështimi në herë të tretë për të barazuar kur topi dalëngadalë kalon përtej shtyllës së djathtë. Kampionet olimpike s’do të mbrojnë titullin. Për të do të luftojnë Franca dhe Rusia.
Për të gjetur finalistët tek meshkujt sot do të luftojnë Franca – Gjermania (20:30) dhe Polonia – Danimarka (1:30). Për finalen në volejboll të meshkujve do të garojnë Italia me SHBA-të nga ora 18:00, dhe Rusia me Brazilin nga ora 3:15.
Spanja me SHBA-të pritet të japin një luftë më të baraspeshuar për finalen në basketboll. Gjysmëfinalja e parë nis në ora 20:30. E dyta ndërmjet Australisë dhe Serbisë në mesnatë.
Prej finaleve në garat ekipore janë tri tek fermat. E para në vaterpolo në ora 20:30 ndërmjet Italisë dhe SHBA-së; ndërmjet Holandës dhe Britanisë së Madhe në hokej në ora 22:00; dhe finalja në futboll ndërmjet Suedisë dhe Gjermanisë në ora 22:30.
Në sportet luftarake vijojnë finalet në tekvondo në ora 3:00 në kategoritë velter. Në mundje nisin disiplinat në stilin e lirë me kategoritë në 57kg në ora 22:15, dhe në 74kg në ora 23:15. Në boks, kategoria e lehtë për femrat përfundon në ora 21:00, derisa vrapimi në pesëgarësh modern në ora 23:00.
Interesante do të jenë finalet e çiklizmit BMX në ora 20:00, dhe notimi i sinkronizuar ekipor në ora 17:00. Finalja e meshkujve dhe çifteve të femrave në badminton zhvillohen nga ora 15:25.
Atletika nis herët, dhe atë me ecje. Meshkujt kanë distancën 50km nga ora 13:00, femrat 20km nga ora 19:30. Pas mesnate është kërcimi me purtekë tek femrat (1:30), çekani i meshkujve (2:05), 5000m femrat (2:40), dhe stafetat 4x100m në të konkurrencat (3:15&3:35).