Rossi fiton në Holandë

Legjenda e gjallë e motoçiklizmit italian, Valentino Rossi, ka arritur të shënojë fitoren e parë të tij pas tre vitesh. 

Ai ka triumfuar në garën për Çmimin e Madh të Holandës të shtegut në Assen. Rossi arriti të kalojë në vendin e parë gjatë xhiros së shtatë në shteg dhe prej atëherë më asnjëherë deri në fund të garës nuk e lëshoi këtë pozitë. 

Shtatë herë kampioni botëror, Rossi, ka përfunduar sot para Marc Marquez dhe Cal Crutchlow. 

Në anën tjetër, kampioni aktual botëror, Jorge Lorenzo, ka përunfuduar garën në pozitën e pestë, përkundër se ka pësuar lëndim të enjten gjatë stërvitjeve dhe e kaloi një operacion të lehtë të premten. 

Lideri i kampionatit të sivjetëm në Moto GP, Dani Pedros, arriti të përfundojë garën i katërti dhe ka ngritur avantazhin ndaj Lorenzos në nëntë pikë, pas shtatë garave prej 18 që janë në total për një stinor të Moto GP.