Serena express, për 49 minuta

Tenistja amerikane Serena Williams për 49 minuta ka arritur që të sigurojë biletën për në raundin e dytë të Australian Open 2019, duke e mposhtur “express” Tatjana Marian 2-0 në Melbourne sot.

Shtatë herë kampionja e garës kaloi lehtë kundërshtaren gjermane, ndërsa dha sinjal për kundërshtaret tjera që ajo është kthyer në lojë, pas gjestit famëkeq të bërë në finale të US Openit ndaj referit të ndeshjes.

Williams ka qenë shtatëzënë kur fitoi për herë të fundit në Melbourne, ndërsa tash ajo tregoi se nuk ka harruar asnjëherën nga forcat e saja në terren, fuqinë brutale dhe atletizmin.