Shenjat e Beckerit te Djokovic

Bartësi i dytë i turneut, Novak Djokovic, ka treguar shenjat e para të ndikimit të trajnerit të tij të ri Boris Becker në fitoren e sotme. 

Ai ka qenë i jashtëzakonshëm në dhe jashtë terrenit për të treguar një performancë të hatashme ndaj italianit Fabio Fognini në fitoren rutinore prej 3-0 në sete. 

Serbi ka dështuar vetëm 10 pikë në shërbimet e tija, që ka qenë specialitet i Boris Beckerit, derisa ai argëtoi edhe publikun me lëvizjet ‘beckeriane’ derisa gjermani e shikonte nga tribunat. 

“I shikoja reagimet e tij. Impresioni i parë, kur i përfundova të gjitha shërbimet, ai ishte i lumtur dhe ishte duke më aplauduar,” ka thënë serbi për trajnerin e tij, që dukshëm po ndikon në lojën dhe atraktivitetin në terren. 

Me eliminimin e bartësit të 15-të Fognini, Djokovic, do të ndeshet në çerekfinale me fituesin e ndeshjes Stanislas Wawrinka (8) - Tommy Robredo (17).