GRUPI G i FIBAEUROPECUP
Pamje nga stërvitjet e fundit të KB Prishtinës/ Foto: KBPrishtina/fb
Sonte ndeshja vendimtare e Prishtinës
6 December, 2017 @9:12
Rekord kampionja e Kosovës në basketboll, Sigal Prishtina, sonte do të dalë në duelin vendimtar të garave europiane për këtë stinor.
Bardhekaltërit pas përgatitjeve disa ditore për duelin vendimtar, sonte presin prej orës 19:30 ekipin turk, Demir Insaat, në Pallatin e Rinisë dhe të Sporteve.
Sigal Prishtina ka kryer të gjitha përgatitjet për ndeshjen, ndërsa ka bërë edhe analizat e duhura me në krye trajnerin Ahmet Kandemir dhe tashmë i mbetet vetëm përkrahja në palestër për të fituar ndeshjen.
Fitorja me 29 pikë epërsi ndaj ekipit turk, është njëri opcion që mund ta çojë Sigal Prishtinën përpara FIBA Europe Cup. Bardhekaltërit pas fillimit të jashtëzakonshëm prej 3-0 tash kanë bilanc 3-2 dhe kanë vënë në rrezik kualifikimin.
Në të njejtën kohë, në Ukrainë zhvillohet ndeshja Khimik - Belfius Mons-Haianut. Një fitore e Khimikut (0-5) ndaj Belfius Mons-Hainaut (3-2) do të çonte Prishtinën përpara pavarësisht se çfarë fitore realizon kampionja e Kosovës në Pallatin e Rinisë sonte.
OPCIONET E PRISHTINËS PËR KUALIFIKIM:
| Fitorja me 29 pikë dallim ndaj Demir Insaatit | |||
| Fitorja me çfarërdo rezultati ndaj Demir Insaatit dhe humbja e Belfius Mons-Hainaut sonte |
TABELA AKTUALE E GRUPIT G:
| 1 | Demir Insaat TUR | 4-1 | ||
| 2 | Belfius Mons-Hainaut BEL | 3-2 | ||
| 3 | Sigal Prishtina KOS | 3-2 | ||
| 4 | Khimik UKR | 0-5 |
