LEWIS HAMILTON
Titulli i pestë
28 October, 2018 @22:00
Piloti britanik, Lewis Hamilton, ka festuar sonte pas garës në Meksikë, titullin e pestë të kampionit të Formula 1.
Ngasësi i Mercedesit Hamilton, që barazoi rekordin e pesë titujve të argjentinasit Juan Manuel Fangio dhe tash përpara ka vetëm legjendën Michael Schumacher me shtatë tituj, ka përfunduar garën e sotme i katërti derisa rivali i tij i Ferrarit Sebastian Vettel përfundoi i dyti.
Hamiltonit 33 vjeç sot i është dashur që të përfundojë së paku i shtati, ndërsa Vetteli është dashur të fitojë garën ashtu që të shpresoj në titull në garat e mbetura.
Përndryshe, garën e sotme në shtegun Hermanos Rodriguez të Meksikës e fitoi Max Verstappen i RedBullit.
