BOKS
Wilder përballë Ortiz për mbrojtjen e titullit WBC
3 March, 2018 @18:00
Në mëngjesin që lidh 3 e 4 marsin, Deontay Wilder, kampioni aktual i WBC-së, do të luftojë për ta mbrojtur titullin ndaj boksierit Luis Ortiz.
Që të dy boksierët janë të pamposhtur deri më tash; Deontay ka 39 fitore, prej të cilave 38 me knock-out, ndërsa Ortiz 38-vjeçar ka 28 fitore, prej të cilave 24 me knock-out. Ortiz, i njohur me nofkën ‘King Kong’, pritet të jetë kundërshtari më i fortë i Wilder deri më tani dhe testi i parë serioz në karrierë.
Në rast të fitores ndaj Ortizit sonte, ndeshja e ardhshme e Deontay Wilder pritet të jetë ndaj Anthony Joshuas, i cili duelin e radhës do ta zhvillojë më 31 mars ndaj boksierit Joseph Parker.
Dueli mes Wilder dhe Ortiz fillon të dielën (nesër) në ora 05:00 sipas kohës tonë lokale.
