OLIMPIADA DIMËRORE - PYEONGCHANG 2018
Anderson përsërit suksesin nga Sochi
12 February, 2018 @11:06
Jamie Anderson ka përsëritur suksesin e arritur para katër viteve në Sochi. Snoubordistja amerikane arriti notën më të lartë në rrethin e parë me 83.00 pikë, paraqitje që nuk arriti të barazohej nga asnjëra prej 25 konkurrenteve tjera.
Laurie Blouin nga Kanadaja mori të argjendtën me 76.33 pikë të arritura në rundin e dytë, ngjashëm si Enni Rukajarvi. Finlandezja para katër viteve kishte qenë e argjendtë në Sochi, ndërsa tash duhet të kënaqet me të bronztën.
Disiplina e slopestyle që përfshinë kombinime prej kërcimeve dhe ekzibicioneve përgjatë shtegut me snoubourd, ishe shtyrë për sot në mëngjes për shkak të erërave të fuqishme. Edhe sot, në vend të tri rundeve, garueset patën vetëm dy runde për të shfaqur aftësitë e tyre.
Nesër në program, ora 2 e mëngjesit, janë finalet në halfpipe – që përfshin ekzibicione në një luginë të formës U.
