BASHKIMI-IBRI
Bashkimi përforcon vendin e tretë
13 February, 2018 @21:05
Me një paraqitje më të mirë në pjesë të dytë të ndeshjes, Bashkimi pa shumë telashe ka arritur të mposht Ibrin e dorëzuar në pjesë të dytë në përballjen e mbetur të xhiros së pestë të ligës ballkanike.
Portokallezinjtë nga Prizreni, nën drejtimin e trajnerit Illmen Bajra, sonte kanë shënuar fitoren e dytë të stinorit ndaj Ibrit, duke e mposhtur ekipin nga Rozhaja me 16 pikë dallim, 100-84.
Krejt pesëshja e parë e Bashkimit ka shënuar pikë dyshifrore në ndeshje, ndërsa më efikasi ka qenë Vinny Zollo, që ka shënuar 31 pikë, në mesin e të cilave edhe disa atraktive, për të marë ovacionet e tridhjetë adhurueseve që ishin në palestrën e thuajse të zbrazët Sezai Surroi sonte.
Njëzetë pikë shtoi Altin Morina, ndërsa double-double fantastik shënoi Mikaile Tmusic, me 15 pikë e 12 asistime në përballje, që e bën Bashkimin të barazojë bilancin në 5-5 pas dhjetë xhirove dhe e vendos në vendin e tretë të klasifikimit të BIBL.
