BASKETBOLLISTI I KUMANOVËS
Yonel Brown duke tentuar ta ndalë Cameron Rundlesin e Pejës/ Foto: KBPeja/Korniza
Brown: Duam finalen
27 March, 2017 @10:38
Basketbollisti i Kumanovës, Yonel Brown, që ka qenë arsyeja kryesore e moslargimit në koshdallim të Pejës para ndeshjes së kthimit, ka thënë se ekipi i tij kërkon finalen tash.
“Mendoj se kemi arritur rezultat të mirë në Pejë. Tash, do të mundohemi me gjithë fuqinë që të mposhtim rivalin dhe të kalojmë në finale,” ka thënë Brown, që mbajti gjallë Kumanovën në Karagaç me 33 pikë të shënura.
Peja ka 4 pikë avantazh nga ndeshja e parë (83-79) dhe duhet ta mbrojë atë në mënyrë që të mos eliminohet në gjysmëfinale. Ndeshja Kumanova-Peja zhvillohet të mërkurën më 29 mars me fillim në ora 19:00.
