BASKETBALL CHAMPIONS LEAGUE
Foto: fiba.basketball
Dardani i kthehet Champ’s Ligës me fitore
6 December, 2017 @23:31
Dardan Berisha, që u largua nga Sigal Prishtina javën e kaluar dhe nënshkroi për ekipin çek, Nymburk, ka shënuar rikthimin e tij në Ligë të Kampionëve të basketbollit sonte.
Ekipi i tij Nymburk pas një starti të fuqishëm ka siguruar fitoren ndaj ekipit Stelmet Zielona Gora, 82-88, si mysafir.
Dardan Berisha ka qenë pjesë e 5-shes së parë të ekipit, ndërsa në lojë ka qenë 18 minuta, duke shënuar 6 pikë, dy nga linja 6.75m.
Kapiteni i Kosovës gjithashtu ka kontribuuar me 4 asistime e 2 kërcime si dhe 2 topa të vjedhura në fitoren e Nymburkut, që tash ka bilanc 4-3 pas 7 xhirove në Grupin D të Ligës së Kampionëve në basketboll.
