Ditë e paharrueshme për sportin dhe vendin

Sportistja më e suksesshme e Kosovës që nga Pavarësia e vendit, Majlinda Kelmendi, në një bisedë me KTV-në ka thënë se vendimi i Komitetit Olimpik Ndërkombëtar (IOC) për pranimin e Komitetit Olimpik të Kosovës (KOK) në gjirin e saj me të drejta të plota, është ditë për tu shënuar. 

“Sigurisht se kjo është një ditë e madhe. Jo vetëm për sportin por edhe për Kosovën si shtet,” ka thënë ajo gjatë bisedës me kanalin televiziv në fjalë. 

“Kjo ditë është për tu mos harruar asnjëherë nga sportistët. Tashmë do ta kemi himnin dhe flamurin e vendit në çdo ngjarje sportive Olimpike,” ka shtuar Kelmendi, që është aktualisht kampione e dyfishtë e Botës në xhudo në kategorinë e saj. 

Muajin e kaluar Kosova u pranuar si vend me të drejta të kushtëzuara në IOC, ndërsa sot në Monaco të Francës, morri përkrahjen e nevojshme për të qenë pjesë e barabartë si çdo vend tjetër i pranuar në gjirin e olimpistëve nga e gjithë bota.