Dominim gladiatoresk i Rafa-s

Seti i parë filloi me fitoren e Game 1 nga Federer. Game ky i vetëm në 9 Game të ardhshme — të gjitha këto të fituara nga Nadal.

Edhe pse fillimi i meçit dukej që ishte i barabartë, me thyerjen e parë nga Nadal që në Game 3 loja e Federer pothuaj që u fundos deri në fund të Setit 1 të cilin set spanjolli e fitoi thellë me rezultat 6–1. Federer kishte ca raste kur dukej që do të rikthehej, por gabimet e shumta të paforcuara (gati 4-fish ndaj Nadal në disa raste) e bënë të veten dhe nuk i ndihmuan aspak zviceranit.

Seti 2 filloi poashtu me dominim të Rafa-s. Federer përpiqej për sulme befasusese, por të gjitha këto tentime mbaronin në gabime të një-pas-njëshme. Federer bën një rikthim në Game 4 të Setit 2 mirëpo Rafa u përgjigj me rezultat 5–2 shumë pak pas kësaj. Federer tregon shenja pozitive në Game 8 të Setit 2, ku dhe nuk lejon spanjollin ta përmbyllë meçin duke e shëndëruar rezultatin në 5–3. Në Game 9, Rafa servoi për kampionat dhe me disa servime të mira edhe e përmbylli meçin e shpejte në dy sete (6–1, 6–3).

Ky ishte triumfi i 7-të i Rafael Nadal në Internazionali BNL d’Italia — dhe kampionati triumfues i tij i 6-të në këtë sezonë. Federer në anën tjetër u paraqit në finalen e parë të tij të 2013. Përballja historike e të dy këtyre gjigantëve është e pasur me statistika nga më të larmishmet 

Deklaratat

Federer: “Së pari urime Rafa-s per fitoren e 7-të...sot nuk ishte dita ime por dita e Rafa-s, ashtu si ndodhe në të shumtën e rasteve në mes nesh…mirepo mezi pres të kthehem në turne në 2014.”

Nadal: “Përshëndes Federer dhe i uroj sezonë të shkëlqyer…e falenderojë publikën në turne dhe i përshëndes organizatorët e turneut…”

Turneu i rradhës, Roland Garros, është 8-ditë larg nga finalja e sotme. Këtë turne Rafael Nadal e ka fituar gjithsej 7-herë, me fitoren e fundit në sezonin që lam pas.