TERMINI I DUELIT TË DYTË
BOROZANI/ A. P.
Dueli i dytë i serisë finale, pasnesër
15 May, 2017 @10:33
Seria finale e Play-Offit të Superligës pritet të bëhet edhe më interesante pas fitores së Bashkimit si mysafir ndaj Sigal Prishtinës në duelin e parë të serisë.
Me fitore në ndeshjen e parë, Bashkimi anuloi epërsinë e terrenit vendas që e kishte Prishtina dhe tashmë do të kërkojë pasnesër mbrëma që në Prizren, në Sezai Surroi, të ngris epërsinë e serisë në 2-0, derisa ekipi duket i motivuar.
Në anën tjetër, Sigal Prishtina, si duket e ka kuptuar gabimin e bërë në ndeshjen e parë të serisë dhe tashmë do të kërkojë mobilizim për të kthyer epërsinë e terrenit vendas duke dashur që të fitojë në Prizren.
Ndeshja e dytë e serisë zhvillohet më 17 maj 2017, të mërkurën, me fillim në ora 19:00. Bashkimi udhëheq serinë finale 1-0. Ekipi që së pari arrin 3 fitore shpallet kampion i Kosovës për stinorin 2016/17.
