Edhe Godelli pozitiv në doping

Peshëngritja shqiptare po pëson një tërmet të vërtetë. Pas Romela Begajt dhe Hysen Pulakut, edhe kampioni shqiptar i botës në peshëngritje, Daniel Godelli, ka rezultuar pozitiv në testin antidoping të bërë pas Botërorit të Kazakistanit. 

Federata Botërore e Peshëngritjes në faqen e saj zyrtare raporton se “testi i marrë nga Daniel Godelli, ka evidentuar gjurmë të substancës së ndaluar stanozolol dhe si rrjedhojë sportisti është pezulluar pasi mund të ketë thyer rregullat e anti-dopingut.” 

Godelli ishte shpallë kampion bote në Kazakistan në peshën 77 kg duke marë dy medalje ari dhe një argjendi.

Edhe peshëngritësi elbasanas, Hysen Pulaku, ka rezultuar pozitiv në testin e parë anti-doping. Në kampionatin e 23-të europian për U-23 që u zhvillua në Limasol të Qipros, Pulaku fitoi tri medalje: dy argjendi dhe një medalje ari. Në shkëputje, 22-vjeçari do të nderohej me vendin e dytë kontinental; kampion Europe në stilin e shtytje dhe në dygarësh merr medaljen e argjendtë me 369 kg. të ngritura në total. Në stilin e shkëputjes Pulaku ka qenë superior në të tria provat.

Në anën tjetër, Federata Shqiptare e Peshëngritjes (FSHP) ka reaguar nëpërmjet një deklarate për mediat lidhur me këto fakte duke deklaruar se do të presim edhe përgjigjet e testit B për të konfirmuar plotëisht nëse këta dy sportistë kanë përdorur apo jo doping. Sipas Federatës, nëse konfirmohet zyrtarisht se Godelli dhe Pulaku kanë përdorur doping atëherë do të nisin dhe hetimit nga ana e kësaj federate lidhur me këta sportisë.