Reagimet e serbëve pas pranimit të Kosovës

Pas pranimit të Kosovës me të drejta të plota në IOC, mediat serbe kanë reaguar menjëherë, thuajse njëzëri, por me mesazhe tashmë të njohura sa i përket Kosovës - për të cilët, kjo është një halë në sy. 

Kështu, edhe ish vaterpolisti i njohur me famë botërore, që tash udhëheq Ministrinë e Sportit në Serbi, Vanja Udovicic, ka thënë se kjo që ka ndodhur është ‘precedent i precedentëve’. 

Kurir ka shkruar: Skandal - Kosova pa asnjë votë kundër pranohet në IOC, duke shtuar se pranimi i Kosovës është thyerje e rregullave; 

Blic ka shkruar: Pranimi i Kosovës në IOC, precedent, duke shtuar se sportistët kosovar do të marrin pjesë në Lojërat Olimpike të Rios më 2016; 

Telegraf ka shkruar: Turp - Kosova do të merr pjesë në LO 2016, duke shtuar se i ashtuquajturi shtet i Kosovës do të merr pjesë në Rio 2016.