PËRFAQËSUESJA U16
Edhe përfaqësuesja U16 grumbullohet këtë javë
Teksti: FBK
30 March, 2017 @18:52
Përzgjedhësi i Përfaqësueses U-16 në konkurrencën e femrave, Muhammed Thaçi dhe ndihmësja e tij Kimete Haliti, i kanë ftuar në grumbullimin e radhës të gjitha vajzat e lindura në vitin 2001 e më të reja.
Në grumbullim mund të marrin pjesë vajzat nga të gjitha klubet e qyteteve të Kosovës, por edhe nga jashtë vendi.
Grumbullimi do të mbahet të dielën (02.04.2017) me fillim nga ora 12:00 deri në 14:00 në palestrën e sportit të gjimnazit “Sami Frashëri” në Prishtinë.
Duhet theksuar se Kosova U-16 do të marr pjesë në Kampionatin Evropian U-16, Divizioni C, që do të mbahet në Gjibraltar prej 25 deri më 30 korrik 2017.
Kosova do të bëj gara në grup me Gjeorgjinë dhe Maltën.
