Eliminohet Peja, Kumanova në finale

Mungesa e lojtarëve të rëndësishëm si Tillotson, Rundles e Skeen, ka qenë njëra prej arsyjeve që skuadra e Pejës nuk ka arritur të kualifikohet në finale të Ligës Ballkanike.

Fitorja e Kumanovës me gjashtë pikë epërsi, i ka mjaftuar kësaj skuadre që ta regjistrojë emrin e saj në finale të Ligës Ballkanike.

Në finale, Kumanova do të takohet me skuadrën e Beroes, skuadër e cila mbrëmë e eliminoi Teodon.

ÇEREKËT

Peja e nisi shumë mirë ndeshjen duke krijuar avantazh prej 7 pikëve pas 10 minutave. Çereku i dytë kaloi krejtësisht baraz, 19-19, për të shkuar në pushim ekipet me 7 pikë epërsi për verdhezinjtë, që i çonte drejt finales.

Kumanova u afrua pas çerekut të tretë Pejës në 4 pikë, ndërsa 10 minuta para fundit, Peja ishte ende ‘në finale’.

Sidoqoftë, verdhezinjtë nuk arritën të ruajnë epërsinë, bile ata u dhanë mundësi maqedonëve të shkrijnë edhe avantazhin që e patën nga ndeshja e parë me 4 pikë, duke u mposhtur me 6 pikë në fund për të mbetur pa finalen e parë dhe historinë e klubit.

TË DALLUARIT

Marjan Janeski shkëlqeu kumanovarët me 21 pikë e 6 kërcime, por edhe Yonel Brown me 20 pikë e 3 asistime.

Te Peja, që luajti me mungesa të mëdha sonte, Slobodan Miljanic shënoi 21, Noah Dahlman 20, ndërsa Alban Veseli 18 të tjera, që nuk mjaftuan për finale të BIBL.

KUMANOVA

PEJA