Eliminimi nga Kupa, shkarkohet Nelson

Trajneri i Pejës Daniel Nelson është ndarë me Pejën. Pas eliminimit nga Kupa e Kosovës në përballjen çerekfinale ndaj Prishtinës, Peja ka bërë të ditur se ka marrë vendim për të ndarë rrugët me trajnerin irlandez.

“Pas ndeshjeve të fundit, me marrëveshje të përbashkët kemi vendosur që t’i japim fund këtu rrugëtimit së bashku.
Trajnerin Nelson e falenderojmë për kontributin gjatë këtyre dy muajve, derisa shumë shpejt do t’iu njoftojmë për zëvendësimin e tij.” - ka shkruar KB Peja në njoftim.

Përndryshe, Nelson që zëvendësoi Rami Hadarin në detyrë, nuk ka arritur të këndellet plotësisht nga stinori i nisur jo mirë. Kurse, eliminimi në Kupë të Kosovës, në çerekfinale ndaj Prishtinës - ka qenë fund për irlandezin.

Peja kishte fituar ndeshjen e parë me 3 pikë dallim, ndërsa atë të kthimit sonte e humbi me 9 pikë dallim për t’i dhënë lamtumirën herët garës për Kupë.