EDHE NJË PËRFORCIM TE BARDHEKALTËRIT
Cory Reeves përforcim i ri i Prishtinës
12 December, 2024 @20:37
Basketbollisti amerikan, që luan në pozitën e alos, Cory Reeves është përforcimi i radhës te Prishtina. Sonte, Prishtina bëri të ditur shkurt me një postim në llogaritë e rrjeteve sociale të klubit se ka arritur marrëveshje me lojtarin në fjalë, pa dhënë asnjë detaj shtesë.
Bardhekaltërit që dje siguruan kalimin në gjysmëfinale të Kupës së Kosovës duke e eliminuar Pejën, kanë siguruar shërbimet e ish-lojtarit të Balkan Botevgradit. Reeves është 27 vjeçar dhe 198 centimetra i gjatë, ndërsa te ekipi bullgar ka pasur pak paraqitje, ku ka luajtur në ligën atjeshme dy ndeshje dhe dy të tjera në FIBA Europe Cup.
Reeves aty ka luajtur me mesatare prej 18.5 minutash për ndeshje, duke shënuar 7.5 pikë, 2 asistime dhe 1.5 kërcime. Ndërsa në FIBA Europe Cup ka pasur mesatarisht 20 minuta për ndeshje me 8.5 pikë, 1.5 asistime e 4.5 kërcime për ndeshje.
