Përcaktohen gjysmëfinalet e Kupës së Kosovës

Pas përfundimit të ndeshjeve vajtje-ardhje në kuadër të çerekfinales së Kupës së Kosovës, sonte janë përcaktuar edhe ndeshjet gjysmëfinale të garës.

Kështu, pasi që dje u kuptua se gjysmëfinalja e parë do të jetë mes Trepçës dhe Prishtinës, sonte pas rezultateve më të mira pas dy ndeshjeve është kuptuar që Bashkimi do të ndeshet me Vëllaznimin në gjysmëfinalen tjetër të Kupës.

Për shkak të sistemit të ri për këtë stinor të Kupës së Kosovës, edhe gjysmëfinalet do të luhen në sistem të njëjtë sikurse çerekfinalet, pra në sistemin vajtje-ardhje, ndërsa ekipi që arrin rezultat më të mirë nga dy ndeshjet do të shkojë në finale.

SKEMA E KUPËS

Në ndeshjen Trepça - Prishtina vendase në ndeshjen e parë do të jetë Prishtina, pasi që ka qenë mëposhtë e renditur në Superligë pas shtatë xhirove të para të stinorit, ndërsa në përballjen mes Bashkimit dhe Vëllaznimit, gjakovarët do të jenë nikoqirë në përballjen e parë. Në ndeshjet e kthimit, Trepça e Bashkimi do të jenë vendas, ku edhe do të përcaktohen përfundmisht finalistët e Kupës së Kosovës.

Finalja, do të luhet në shkurt të vitit të ardhshëm, ndërsa mbrojtëse e trofeut të Kupës së Kosovës është Trepça. .