Trepça pa telashe në gjysmëfinale

Trepça ka kaluar lehtë në gjysmëfinale të Kupës së Kosovës, duke e mposhtur edhe në ndeshjen e dytë çerekfinale Prizrenin. Sonte në “Minatori” mitrovicasit kanë fituar me 34 pikë dallim për të vulosur kualiifkimin e tyre tutje, 95-61.

Rezistenca e mysafirëve ra plotësisht në pjesë të dytë, ndërsa vendasit e drejtuar nga Adis Beciragic shkuan lehtë te fitorja, ku trajneri i dha mundësi secilit lojtar në disipozicion mbi 10 minuta në lojë, pos të riut Rijad Ferati që luajti 5 minuta.

SKEMA E KUPËS

Erjon Kastrati dhe Mikaile Tmusic kanë dhënë nga 14 pikë në fitore, ndërsa Dardan Kapiti kreu lojën me double-double duke dhënë 10 pikë e 11 kërcime në fitore. Drilon Hajrizi luajti vetëm 16 minuta dhe dha 11 pikë në fitore.

Darryl Jordan me 16 pikë dhe Edmond Kryeziu me 12 pikë ishin koshashënuesit më të mirë te Prizreni në humbje, që eliminoi ekipin në fjalë nga garat e Kupës.

Trepça në gjysmëfinale do të ndeshet me Prishtinën.