Ylli fiton, Vëllaznimi kualifikohet në gjysmëfinale

Skuadra e Vëllaznimit ka arritur të ndalë Yllin dhe të mos pësojë me rezultat të thellë sonte, për të siguruar një vend në gjysmëfinale të Kupës së Kosovës.

Ylli fitoi ndeshjen e sontme, kthyese në kuadër të çerekfinales së Kupës së Kosovës me rezultat 98-91, por disfata në ndeshjen e parë të zhvilluar një javë më parë në “Shani Nushi” prej 18 pikëve, është treguar fatale për suharekasit.

Vëllaznimi në gjysmëfinale do të ndeshet me Bashkimin. Ndeshjet gjysmëfinale pritet të luhen në shkurt të vitit që vjen. Sa i përket ndeshjes së sontme, te Ylli është dalluar Quade Green që dha 30 pikë për ekipin e tij, ndërsa 19 të tjera shtoi Jalen Nesbitt.

SKEMA E KUPËS SË KOSOVËS

Arian Azmi ka qenë i jashtëzakonshëm te Vëllaznimi sonte. Ai ka treguar performancën e tij prej se ka ardhur te ekipi gjakovar, duke luajtur me 22 pikë, 7 asistime e 10 kërcime në këtë humbje me shije fitoreje për ekipin e drejtuar nga Jeronimo Sarin.

Me 19 pikë ndeshjen e përfundoi Michael Nuga, kurse 18 të tjera i dha Jericole Hellems.