Trepça kalon lehtë Prizrenin

Pas një fillimi superior të ndeshjes (25-8), Trepça nuk e ka pasur vështirë të vazhdojë deri në fund të saj dhe më pas vetëm se ka shtuar epërsinë, për të arritur fitoren e radhës në Superligë, duke mposhtur Prizrenin 110-79.

Tetë lojtarë të Trepçës kryen ndeshjen me pikë dyshifrore, ndërsa koshashënues më i mirë ka qenë Samuel Hunter me 18 pikë. Me double-double ndeshjen e kreu Dardan Kapiti, 12 pikë dhe 10 kërcime, kurse Drilon Hajrizi luajti me 10 pikë e 5 asistime në 20 minuta sa ishte në fushë.

TABELA AKTUALE

Omar Jamaleddine me 23 pikë ka qenë lojtari më efikas i Prizrenit në humbjen e nëntë sezonale të ekipit.

Pas kësaj ndeshjeje, Trepça e para në Superligë ka bilanc 10-2, kurse Prizreni është për momentin i nënti (i parafundit) me bilanc 3-9.