Sebastjan Krasovec - trajner i ri i KB Peja!

Trajneri nga Sllovenia, Sebastjan Krasovec (lex. Krashovec) është trajner i ri i ekipit të Pejës. Para pak çastesh, verdhezinjtë kanë bërë të ditur se kanë arritur marrëveshje me sllovenin.

Sipas KB Pejës, marrëveshje me Krasovecin kanë arritur deri në fund të stinorit, derisa i kanë uruar mirë se ardhje atij.

“KB Peja dëshiron t’i uroj mirëseardhje trajnerit të ri, sllovenit Sebastjan Krasovec - i cili do ta udhëheq skuadrën për pjesën tjetër të sezonit.
Krasovec ka përvojë shumë vjeçare - dhe ka ndërtuar karrierë si trajner në Slloveni, Poloni dhe nga viti 2018 ka qenë trajner në Hungari.
Slloveni do filloj punë me skuadrën menjëherë, duke e përgatitur për ndeshjet e radhës në Superligë.” - ka bërë të ditur KB Peja.

Kujtojmë, Krasovec do të bëhet trajner i tretë i Pejës këtë stinor, pasi që verdhezinjtë kishin nisur stinorin me izraelitin Rami Hadar, për të vazhduar më pas me irlandezin Daniel Nelson. Në periudhat tranzicionale kur u ndërruan Hadar me Nelson dhe tash Nelson me Krasovec, ekipin e drejtoi spanjolli ndihmës, Diego Velasco, që në të dyja rastet arriti fitore me ekipin!