Feniksi, skuadra e 13 më e mirë në Evropë

Me humbje ka përfunduar aventura e Feniksit në ‘Elite Round’ të futsallit, Ekipi kosovar luajti në elitën e futsallit evropian, ku morrën pjesë 16 skuadrat më të mira të Evropës në këtë sport.

Ndeshja e tretë ndaj italianëve të Rietit u mbyll me humbje 6-3, ndërsa golat për Feniksin u shënuan nga Alibegu, Brahimi dhe Topilla. Më parë Feniksi ishte mposhtur edhe nga Kairati vendas e nga Nikarsi letonez.

Përkundër faktit që skuadra nga Drenasi e mbylli turneun me 3 humbje nga po aq ndeshje, kjo është një arritje fenomenale për futsallin kosovar, kur dihet kualiteti i skuadrave rivale të Feniksit gjatë rrugës për në ‘Elite Round’. Skuadra e Arben Simitçiut e mbyll vitin si skuadra e 13 më e mirë në Evropë, një arritje padyshim për t’u lakmuar!