PRISHTINA - RAHOVECI
Fitorja e 10 e Prishtinës, bardhekaltërit futen në TOP 4
6 February, 2022 @19:45
Skuadra e Prishtinës ka regjistruar fitoren e 10 të sezonit, duke e mposhtur Rahovecin me rezultat 67-53.
Vreshtarët e kishin epërsinë në 10 minutëshin e parë, më pas Prishtina pas çdo çereku e ngriti epërsinë për ta regjistruar fitoren e radhës.
Në këtë ndeshje lojtarët nuk shënuan shumë pikë. Shifra më e madhe ishte 13 pikë që shënuan Wendell Mitchell dhe Lejson Zeqiri, kurse në anën tjetër te Rahoveci Cavon Baker luajti me 12 pikë, dhe Musab Mala me 10 pikë.
Në 3 përballjet direkte, Prishtina me këtë fitore kaloi 2-1 në epërsi.
Prishtina me 10 fitore e 9 humbje gjendet në pozitën e katërt përkohësisht, kurse Rahoveci me 6 fitore e 12 humbje gjendet në pozitën e parafundit.
Në xhiron tjetër Prishtina përballet me Trepçën, kurse Rahoveci me Yllin.
