Gati për Monfilsin

Organizatorët kishin marrë masa ndaj të nxehtit në Melbourne, duke e mbyllur kulmin e terrenit Rod Laver Arena sot dhe Rafa Nadal ka problem kaloi kundërshtarin e tij Thanasi Kokkinakis në xhiron e dytë të Australian Open. 

Kjo ka qenë ndeshja e parë që u implementua këshilla e mbylljes së kulmit të terrenit, për të lehtësuar sadopak tenistët nga temperaturat e larta. 

Sidoqoftë, Nadal ka kaluar lehtë në setin e parë dhe të tretë, derisa australiani Kokkinakis i bëri ballë spanjollit vetëm në setin e dytë kur arriti t’i fitojë katër ‘game’. 

“U gëzova kur e pashë kulmin mbi kokë. Përkundër se kishte lagështi të madhe, puna e kulmit ndikoi sadopak në temperaturë të përgjithshme,” ka thënë Nadal  pas fitores së sotme, që e shpie atë në ndeshje ndaj françezit Gael Monfils në raundin e tretë të Australian Open. 

Monfils, që është bartësi i 25-të i turneut ka mposhtur në raundin e dytë amerikanin Jack Sock në tre sete.