Gay dhe Powell doping pozitiv

Tyson Gay, i cili e mban rezultatin e dytë më të mirë në botë, në 100 metërsh, e shokoi botën e atletizmit, me rezultatin e tij pozitiv të dopingut. 

Lidhur me këtë, sprinteri u shpreh: 

“Nuk mendoj se ishte një kurth kundër meje, më duket se kam besuar në njerëzit e gabuar “.

Pas rastit të Gayit, bota e atletizmit u trondit edhe me sprinterin xhamaikan Asafa Powell, i cili gjithashtu në testet e dopingut doli pozitiv. Tani nëse edhe në analizën B, del i njejti rezultat, atëhere që të dy sprinterët mund të dënohen rëndë.

Powell dhe Gay, nuk do të garojnë në kampionatin botëror të atletizmit, që do të mbahet në Moskë.