OLIMPIADA DIMËRORE - PYEONGCHANG 2018
Hanna e artë në biathlon
15 February, 2018 @11:30
Suedezja Hanna Oeberg nuk kishte gabuar asnjë nga 20 qitjet e saja në garën 20km në konkurrencën individuale. Duke mos marr asnjë minutë dënim, Oeberg arriti të renditet e para në fund të garës duke marr të artën e parë në karrierën e saj.
Pas 22 vjeçares, u renditen kampionia e dyfishtë olimpike në sprint nga Vancouver dhe Sochi, sllovakja Anastasya Kuzmina. Përkundër dy gabimeve në qitje dhe dy minutave shtesë në kohën e saj të skijimit, ajo mbeti vetëm 24.7 sekonda pas suedezes Oeberg në fund.
E treta u rendit gjermania Laura Dahlmeier e cila pati një gabim në qitje dhe në fund kohë prej 41.2 sekondave.
Garat e femrave në biathlon vazhdojnë të shtunën në ora 12:15 me startin masiv.
