ZVEZDA - CSKA
Kampioni mposhtet në Beograd
29 December, 2016 @20:52
Pas humbjes nga Fenerbahçe xhiron e kaluar, CSKA e Moskës është mposhtur edhe sonte në Beograd në takimin e luajtur ndaj Crvena Zvezdës.
Skuadra vendase e filloi shumë mirë takimin duke arritur epërsi 13-0 që në fillim, e më pas kjo epërsi u mbajt deri në fund të takimit, për ta arritur kështu fitoren e shtatë sezonale.
Në anën tjetër, kampioni në fuqi i Evropës nuk dukej në formë sonte, me mbrojtjen që dukej e paaftë në përballje me sulmet e shpejta të skuadrës serbe. Duhet theksuar që CSKA për asnjë moment nuk ishte në epërsi.
Përkundër humbjes, CSKA mbetet lidere e klasifikimit, mirëpo tashmë Reali është afruar dukshëm, marrë parasysh dy humbjet radhazi të skuadrës ruse në dy xhirot e fundit.
