Kosova pjesëmarrëse në Davis Cup dhe Fed Cup

Tenistët kosovarë do të kenë të drejtë të marrin pjesë në dy gara të rëndësishme botërore sic janë Davis Cup dhe Fed Cup.

Federata e Tenisit të Kosovës ka pranuar ftesat nga këta dy turne për pjesëmarrje gjatë vitit 2016.

Në Davis Cup, Kosova do të përfaqësohet në Zonën e Europës, Grupi III, ndërsa turneu do të organizohet në kryeqytetin e Estonisë, Talin.

Ndërsa në Fed Cup, turne ky që organizohet në konkurrencë të femrave, do të zhvillohet nga 11 prilli në Ulqin të Malit të Zi, ndërsa Kosova do të jetë pjesëmarrëse nga Grupi III i zonës Evropë/Afrikë.

Këto dy turnetë do të jenë të parat për tenistët dhe tenistet kosovarë që do të luajnë në arenën ndërkombëtare pas pranimit të FTK-së në ITF.