Levski shumë i fortë për Tiranën

Në takimin e vetëm të natës në BIBL, Levski ka shënuar fitore të lehtë ndaj Tiranës.

Vendasit u treguan më të mirë që nga fillimi i ndeshjes, ndërsa Tirana në anën tjetër dukej e pafuqishme për t’i bërë ballë bullgarëve, të cilët sonte ishin në formë mjaft të mirë.

Skuadra nga kryeqyteti shqiptar në asnjë çerek nuk shënoi më tepër se 13 pikë dhe ndeshja u mbyll me rezultatin e thellë 105-52.

TABELA AKTUALE BIBL

Më i dalluari te vendasit sonte ishte Justin Knox me 28 pikë e 6 kërcime, derisa te Tirana ra në sy Endrit Hysenagolli me 16 pikë, 6 kërcime e 1 asistim.

Kjo fitore bën që bilanci i Levskit tashmë të jetë 4-5, kurse Tirana ka bilanc 2-8.