KUPA E KOSOVËS
Përcaktohen datat e ndeshjeve të Final 8
6 February, 2018 @13:22
Në konferencën për shtyp të organizuar nga FBK bashkë me organizatorin e Final 8 të Kupës së Kosovës, Ylli, janë përcaktuar datat e ndeshjeve të para çerekfinale të Kupës së Kosovës.
Final 8 e Kupës së Kosovës zhvillohet prej 28 shkurt deri më 4 mars në 13 qershori të Suharekës.
Ndërsa dy ndeshjet e para çerekfinale zhvillohen të mërkurën më 28 shkurt ku takohen: Rahoveci - Kerasan Prishtina dhe Ylli - Borea.
Dy të tjerat zhvillohen të nesërmen, më 1 mars, ku takohen: Sigal Prishtina - Kalaja dhe Bashkimi - Trepça.
Më 2 mars zhvillohen gjysmëfinalet, ndërsa më 4 mars finalet në të dyja konkurrencat.
