HUNGARIAN GP
Foto: BBC
Lewis Hamilton triumfon në Hungari
29 July, 2018 @16:50
Në garën e sotme të Hungarisë, fitues doli britaniku Lewis Hamilton, për të cilin ky ishte triumfi i gjashtë në karrierë në këtë shtet.
Hamilton, i cili e nisi garën i pari, e mbylli në po të njëjtën pozitë, ndërsa pas tij përfunduan dy pilotët e Ferrarit, Vettel dhe Raikkonen.
Duhet përmendur që fitorja e Hamilton nuk ishte në dyshim pothuajse në asnjë moment, me anglezin që dominoi plotësisht dhe e arriti vendin e parë afro 20 sekonda para vendit të dytë.
Ky triumf bën që Hamilton ta shtojë diferencën e pikëve në renditjen e përgjithshme, duke qenë tashmë 24 pikë para ndjekësit më të afërt, gjermanit Vettel, derisa vendi i tretë aktualisht i takon finlandezit Raikkonen, i cili ka 146 pikë
Sa i përket skuadrave, vendi i parë i takon Mercedesit me gjithsej 345 pikë, ndërsa më pas vijnë Ferrari me 335 dhe Red Bull Racing Tag Heuer me 223 sosh.
RENDITJA E PËRGJITHSHME E GARUESVE (TOP 3)
| 1 | Lewis Hamilton | 213 pikë | ||
| 2 | Sebastian Vettel | 189 pikë | ||
| 3 | Kimi Raikkonen | 146 pikë |
RENDITJA E PËRGJITHSHME E SKUADRAVE (TOP 3)
| 1 | Mercedes | 345 pikë | ||
| 2 | Ferrari | 335 pikë | ||
| 3 | Red Bull Racing Tag Heuer | 223 pikë |
