Luftë për vendin e katërt

Sot zhvillohen 4 ndeshjet e xhiros së XIII, xhiros së parafundit të sezonit vjeshtor të Superligës së Kosovës në basketboll.

Një nga ndeshjet më interesante të ditës zhvillohet në “Karagaç”, me Pejën që e pret në shtëpi skuadrën e Yllit. Të dyja skuadrat ndodhen pranë njëra-tjetrës në tabelë dhe aktualisht po luftojnë për vendin e katërt, vend që dërgon në fazën Play-Off në fund të kampionatit.

Nëse Peja fiton sonte, skuadrat do të kenë pikë të barabarta dhe vendi i katërt do të vendosej nga koshaverazhi, ndërsa një fitore e Yllit do të bënte që pozitat e skuadrave të mos ndryshonin.

TABELA AKTUALE SUPERLIGA

Favorit në këtë duel parashihet të jetë Ylli, pasi që te Peja në ndeshjet e fundit nuk po inkuadrohen lojtarët kryesorë të skuadrës, mirëpo se a do të shohim ndonjë befasi nga juniorët e Pejës, mbetet të shihet.