ILLMEN BAJRA
Mbrojtja në pjesë të dytë, na solli fitoren
14 February, 2018 @10:23
Trajneri i Bashkimit, Illmen Bajra, në deklaratën e tij pas ndeshjes ndaj Ibrit të fituar dje në kuadër të BIBL ka thënë se mbrojtja në pjesë të dytë i solli fitoren ekipit.
“Në fillim nuk e kishim kontrollin e lojës dhe luajtëm butë në mbrojtje. Në pjesë të dytë u përmirësuam, luajtëm më me agresivitet në mbrojtje dhe kjo bëri dallimin. I uroj lojtarët për ndeshjen e fituar,” ka thënë Bajra pas ndeshjes, shkruan faqja zyrtare e BIBL sot.
Bashkimi është aktualisht në pozitën e tretë të BIBL me bilanc 5-5, ndërsa duelin e radhës e ka më 6 mars ndaj Akademik Bultexit në Plovdiv të Bullgarisë.
