MEGASPORTS - MH PRISHTINA
MH Prishtina vazhdon pa humbje, fiton edhe në Prizren
14 November, 2020 @14:05
Marigona Hill Prishtina ka vazhduar serinë e fitoreve në Ligën e Parë edhe në xhiron e tretë.
Skuadra e drejtuar nga trajneri Dritëro Sefaja, e mposhti Megasportsin në Prizren me rezultat 52-70 dhe e regjistroi fitoren e tretë rresht.
Edin Peci dhe Shpat Mustafa ishin të vetmit me pikë dyshifrore te MH Prishtina. Peci luajti me 20 pikë, 4 kërcime e 2 asistime, kurse Mustafa me 15 pikë, 5 asistime e 4 topa të rrëmbyer.
Te Megasportsi Gazmend Hazeri dhe Fisnik Pula luajtën me nga 10 pikë secili.
Marigona Hill Prishtina me 3 fitore e 0 humbje aktualisht gjendet në krye të tabelës, kurse Megasports me 1 fitore e 2 humbje aktualisht është pozicionuar në pozitën e tretë.
Në xhiron e katërt MH Prishtina takohet me Feronikelin, derisa Megasports me Dritën.
