ATLETIKË
Michelle Carter më e mira në gjyle
13 August, 2016 @15:37
Amerikania Michelle Carter fitoi të artën në disiplinën e hedhjes së gjyles pasi në tentimin e fundit arriti distancën 20.63m. Kjo distancë e ngriti atë mbi kampionen e Londrës, Valerie Adams nga Zelanda e Re e cila mbeti e dyta me 20.42m.
Medalja e bronztë i takoi hungarezes Anita Marton e cila gjithashtu distancën më të mirë e arriti në serinë e fundit kur e hodhi gjylen 19.87m larg.
Në ditën e parë të garave, pos SHBA-ve, edhe Kina e Etiopia u shpërblyen me të arta.
Sot zhvillohen pesë finale – 10.000m, hedhje e diskut, dhe kërcim së largu tek meshkujt; dhe 100m e shtatëgarësh për femrat.