ATLETIKË
Mo Farah mbron titullin
14 August, 2016 @12:00
Britaniku Mo Farah arriti të kaloj keniasin Paul Tanui në metrat e fundit për të mbrojtur të artën e fituar në Londër. Gjatë 10.000 metrave të kaluara, Farah pati incident duke u rrëzuar për të vazhduar garën përsëri. E bronzta i takoi Tamirat Tolas nga Etiopia.
Pas dy ditë betejash në shtatëgarësh, belgja Nafissatou Thiam fitoi me 6810 pikëve. Ajo kishte arritur rekorde personale në pesë nga shtatë disiplinat duke lënë mbrapa kampionen e Londrës, Jessica Ennis-Hill. Britanikja fitoi garën e fundit në 800m me rezultat që nuk i mjaftoi për titull. E bronzta shkoi tek Brianne Theisen Eaton nga Kanada.
Titulli nuk arriti ta mbroj as Shelly-Ann Fraser-Pryce. Atletja nga Xhamajka dështoi të bëhet atletja e parë që fiton tre herë radhazi një disiplinë në Olimpiadë. Në fund Fraser-Pryse përfundoi e treta me kohë 10.86 duke mbetur mbrapa bashkëvendëses Elaine Thompson që mori të artën me 10.71. Tori Bowie nga SHBA-të mori të argjendtën me kohë 10.83.
Kampioni nga Londra në hedhje disku, Robert Harting nuk arriti të kualifikohet në finale, por titulli u ‘mbrojt’ nga i vëllai Christoph Harting. Gjermani hodhi diskun në distancë 68.37m në hedhjen e fundit duke i mohuar edhe një herë titullin kampionit botëror, Piotr Malachowski. Polaku kishte pasur 67.55m nga hedhja e tretë, por përfundoi vetëm në pozitën e dytë duke përsëritur fatin e Pekinit. Edhe e bronzta shkoi për Gjermaninë me daniel Jasinskin që hodhi diskun 67.05m.
Në finalen e pestë të ditës, Jeff Henderson nga SHBA-të ishte më i miri në kërcim së largu me 8.38m. Amerikani ishte për një centimetër më i mirë se Luvo Manyonga nga Afrika Jugore. E bronzta i takoi britanikut Greg Rutherford.
Sot në atletikë zhvillohen katër finale. Tek femrat në program janë maratona (14:30) dhe trehapëshi (1:55), derisa tek meshkujt 400m (3:00) dhe 100m (3:25).