FLET LEGJENDA
Nadal do të thyejë rekordin e Federerit
25 January, 2014 @21:24
Pete Sampras, legjenda amerikane e tenisit, ka thënë sot se spanjolli Rafael Nadal është i pabesueshëm!
“Lëvizjet e tija janë të pabesueshme, ai mund të rregullojë goditjen duke vrapuar. Unë nuk kam parë asnjëherë një gjë të tillë,” ka thënë Sampras për BBC-në sot, pasi që e ka parë Nadalin nga tribunat në fitore ndaj Federerit dje.
“Ai është i fortë, edhe mentalisht i fortë. Ai do të fitojë mbi 17 Grand Slam tituj. Ai është njëri ndër teniserët më të mirë të botës dhe tenisi duhet t’i falenderoj punës së tij,” ka thënë ndër të tjera Sampras.
Sampras i cili gjatë karrierës së tij ka pasur 14 Grand Slam tituj të fituar, është rrëzuar nga froni pasi që zvicerani Roger Federer ka fituar 17 tituj të tillë.
Nadal nëse arrin të fitojë nesër zviceranin Stanislas Wawrinka në finale të Australian Open do të barazohet në tituj Grand Slam me amerikanin Pete Sampras.
