Sefte në finale

Bartësja e 20-të e turneut, Dominika Cibulkova, ka arritur finalen e parë të saj në një Grand Slam duke e mposhtur njërën ndër favoritet, bartësen e pestë, Agnieszka Radwanska 2-0 në sete. 

Në fakt, loja e sllovakes 24 vjeçare, Cibulkova, ka qenë tepër dominante dhe ajo nuk është ndalur për asnjë minutë në terren, derisa kapte çdo top dhe sulmonte nga ku mundtte, polaken e befasuar. 

“Ende nuk mund të besojë se kam arritur finalen. Nuk po mund të besojë se kjo po ndodhë,” ka thënë Cibulkova pas fitores së madhe sot në Melbourne. 

Sllovakja do të luaj në finale ndaj finalistes së trefishtë në Melbourne, Li Na, që është bartëse e katërt e turneut dhe konsiderohet favorite në letër për të fituar për herë të parë trofeun në shtetin kontinent.