Përvojë e mirë për Kosovën

Për herë të parë që nga themelimi i saj, Përfaqësuesja e Kosovës në tenis në kategorinë e femrave po merr pjesë në FED Cup 2016, turne i cili po zhvillohet në Ulqin që nga dita e hënë.

E drejtuar nga Arben Islami, Përfaqësuesja e Kosovës përbehet nga Fiona Polloshka, Arlinda Rushiti, Edita Raca dhe Anduena Latifi.

Deri tash Kosova ka zhvilluar dy ndeshje, ndaj Malit të Zi të hënën dhe ndaj Norvegjisë sot (e mërkurë) dhe në të dyja rastet ka pësuar humbje. Dueli i ardhshëm për Kosovën është nesër ndaj Marokut ndërsa ndeshja e fundit zhvillohet të premten ndaj Mozambikut, shtet ndaj të cilit Kosova beson se mund të shënojë fitore.

Duke marrë parasysh se grupi i Kosovës kishte disa përfaqësuese mjaft me përvojë, paraqitja e Kosovës si shtet debutues ishte mjaft e mirë.