BASHKIMI-RILSKI
BOROZANI/ A. P.
Rilski shumë i fortë për Bashkimin
7 December, 2017 @20:59
Skuadra bullgare, Rilski Sportist, është treguar tepër e fortë për Bashkimin sonte në Sezai Surroi dhe ka vërtetuar edhe njëherë se pse është skuadër e pamposhtur ende këtë stinor në BIBL.
Rilski ka krijuar avantazh tejet të madh që në çerekun e parë të lojës, kur ka krijuar epërsi 11-33, ndërsa njejtë ka vazhduar edhe në çerekët tjerë të ndeshjes për të shkuar në mbi 100 pikë të shënuara në fund të ndeshjes dhe epërsi mbi 40 pikësh në disa momente para përfundimtares 69-105.
6 basketbollistë të ekipit bullgar kanë shënuar pikë dyshifrore, derisa më efikasi ka qenë Ravanel me 19 pikë.
Te Bashkimi, treshja amerikane e ekipit dhe Mikaile Tmusic kanë shënuar pikë dyshifrore për skuadrën, por kjo nuk ka qenë e mjaftueshme për t’i bërë ballë Rilskit.
Më efikasi te prizrenasit ka qenë Jamir Hannan me 18 pikë e 15 kërcime, derisa Dashion Knight ka shënuar 17 pikë.
Pas kësaj ndeshjeje, në të cilën pësoi për herë të parë në shtëpi këtë stinor, Bashkimi ka bilanc 2-3, ndërkohë Rilski e ka ngritur serinë e fitoreve në 5 për bilanc 5-0.
