Spurs në epërsi, afër gj’finales

Në serinë ndërmjet San Antonio Spursit dhe Memphis Grizzlies, deri më tani skuadrat që ishin vendase, arritën të shënojnë fitore.

Kjo ndodhi edhe në ndeshjen e pestë të serisë, ku djelmoshat e trajnerit Gregg Popovich, e mposhtën Memphisin me rezultat 116-103.

Ylli i San Antonios, Kawhi Leonard përsëri ishte në skenë. Ai luajti me 28 pikë dhe ishte koshashënuesi më i mirë i skuadrës, derisa australiani Patty Mills, duke i shënuar 20 pikë, e theu rekordin e tij personal në Play-Off.

Te “arushat”, Mike Conley në pjesën e dytë të ndeshjes, bëri çdo gjë për fitore, por nuk mjaftuan 26 pikët e tij.

SKEMA E PLAY OFFIT

San Antonio Spursit i nevojitet vetëm edhe një fitore për gjysmëfinale, derisa Memphis do të luftojë ta dërgojë serinë në ndeshjen e 7.