Peja-Bashkimi, vendosin vendin e dytë

Dueli ndërmjet Pejës dhe Bashkimit, në xhiron e fundit të stinorit të rregullt të Superligës, do të vendos përfundimisht se cila skuadër do të nis nga pozita e dytë Play-Offin e Superligës.

PËRPARËSI NË PLAY-OFF

Peja dhe Bashkimi do të ndeshen mes veti në gjysmëfinale të Play-Offit, por, vendi i dytë përcakton se cila skuadër merr epërsinë e terrenit vendas aty, që është shumë me rëndësi në rrugë për finale.

TABELA AKTUALE

Deri tash, Bashkimi është në përparësi. Bashkimi ka fituar 2 ndeshje ndaj Pejës, ndërsa Peja një ndaj Bashkimit. Ndërsa dallimi në pikë të shënuara në duelet e ndërmjetme është 8 pikë më shumë për ekipin prizrenas.

SI ARRIHET VENDI I DYTË?

Ndeshja zhvillohet nesër në “Karagaç” me fillim në ora 17:00, ka bërë të ditur sot FBK.

Pejës i duhet fitorja me mbi 8 pikë epërsi për të kryer stinorin e dyta dhe për të marrë avantazhin në Play-Off ndaj Bashkimit.

Në anën tjetër, Bashkimit përveç fitores, i bën punë edhe humbja e ngushtë ndaj verdhezinjëve.

SKUADRAT

Fakt tjetër për këtë ndeshje është që Peja është futur në krizë financiare dhe i janë larguar lojtarët kryesorë si dhe trajneri Aleksandar Todorov, derisa po drejtohet nga Bujar Loci qe sa ndeshje.

Në anën tjetër, Bashkimi ka ruajtur pjesën më të madhe të skuadrës dhe është në pozitë më të volitshme sa i përket përbërjes, duke llogaritur edhe trajnerin Dragan Radovic.

BILANCI AKTUAL

Para këtij dueli, Bashkimi në total nga 27 ndeshje ka bilanc 22-5, ndërsa Peja 21-6.

Gjithsesi, gjithçka do të vendoset nesër pasdite në “Karagaç”.

DUELET E DERITASHME DHE REZULTATET: