Houston pranë gj’finaleve

Skuadra nga Teksasi, Houston Rockets, arriti ta mposht Oklahoma City Thunderin, edhe në ndeshjen e katërt të serisë, me rezultat 113-109.

Çdo gjë shkonte në rregull për Oklahomën në pjesën e parë të ndeshjes, epërsia ishte ngritur në 14 pikë, derisa super ylli Russell Westbrook, i kishte arritur shifrat magjike triple-double vetëm pas dy çerekëve.

Por te Houstoni, asnjë lojtar nuk ishte dorëzuar. Së pari e zvogëluan epërsinë dhe pastaj kaluan në epërsi, derisa në fund të ndeshjes bënë faulla taktik te lojtari të OKC-së, Andre Robersonit, i cili në 12 tentime vetëm 2 herë ishte i suksseshëm nga gjuajtjet e lira.

Pas dështimeve të gjuajtjeve të lira, Houstoni e shfrytëzoi më së miri këtë dhe arriti fitoren e tretë në seri me rezultat 113-109.

Kësaj radhe te “raketat”, në rolin kryesor të shënimeve nuk ishte James Hardeni, por braziliani Nene, i cili shënoi 28 pikë dhe i rrëmbeu 10 kërcime.

Ndërsa në anën tjetër, Russell Westbrook, shkëlqeu me 35 pikë, 14 kërcime e 14 asistime, por nuk mjaftoi për fitore.

SKEMA E PLAY OFFIT

Houstoni është 3-1 në epërsi në seri dhe i nevojitet vetëm edhe një fitore për t’u kualifikuar në gjysmëfinale, derisa Oklahomës i duhet mrekullia për ta rrëzuar kundërshtarin. Ndeshja e pestë e serisë do të luhet në “Toyota Center” të Houstonit më 25 prill.