Lakers s’arrin rikthimin, Nuggets nis me epërsi serinë

Edhe pse ishin 21 pikë në disavantazh, në një moment në pjesë të dytë me lojë të mirë Lakers arriti të rikthehet në ndeshje dhe të ulë epërsinë e Nuggets në 3 pikë. Por, s’arriti të jep atë që më së shumti duhet për të dalë në avantazh dhe prej atij momenti Nuggets ruajti epërsinë për të fituar ndeshjen 132-126.

Derisa pjesa e parë plotësisht ishte në anën e Denver Nuggets, në anën tjetër Los Angeles Lakers u tregua fuqishëm në të dytën. LeBron James e tha atë që e përmbledh lojën me një fjali. “Derisa ne u zgjuam për të luajtur si duhet, ata veçse kishin krijuar epërsinë e madhe. Në këto ndeshje, duhet nisur ndeshjen fuqishëm që nga sekonda e parë e saj.”

Nikola Jokic luajti me 34 pikë, 14 asistime e 21 kërcime për të kryer ndeshjen me triple-double në fitore, ndërsa Jamal Murray dha 31 pikë, 5 asistime e 5 kërcime. Për Lakersin, nuk mjaftuan as 40 pikët e Anthony Davisit, shoqëruar me 10 kërcime. Derisa LeBron James dha 26 pikë, 9 asistime dhe 12 kërcime në humbje.

Ndeshja e dytë e serisë, përsëri në Ball Arena ku Denver Nuggets është edhe njëherë vendas, në mëngjesin e hershëm të 19 majit me kohën tonë.