Super Dragic për fitoren e dytë sllovene

Pas dramës së dhuruar ndaj Francës, Finlanda ka dhuruar edhe një tjetër ndeshje fantastike si nikoqire ndaj Sllovenisë, mirëpo kësaj radhe fati nuk ishte në anën e skuadrës skandinave, me fitoren që i takoi Sllovenisë.

Të udhëhequr nga ylli Goran Dragic, sllovenët e shënuan fitoren e dytë me radhë në këtë kampionat, ndërsa Finlanda përkundër paraqitjes së shkëlqyeshme të Lauri Markkanen, nuk e arriti përmbysjen e rezultatit dhe ndeshja u mbyll me rezultat 78-81 për Slloveninë.

ORARI DHE GRUPET - EUROBASKET 2017

Dragic takimin e mbylli me 29 pikë, ndërsa Markkanen, që pritet të jetë yll i ri i Chicago Bulls, sonte shënoi 24 pikë.

Pas 2 ndeshjeve, Sllovenia i prin Grupit A me 4 pikë, derisa Finlanda ka 1 fitore e 1 humbje dhe ndodhet e parafundit në renditje.