GRUPI A: GREQIA - FRANCA
Foto: fiba.com
Franca triumfon në ‘ndeshjen e ditës’
2 September, 2017 @17:29
Pas humbjes ndaj Finlandës, Franca e ka gjetur fitoren në takimin më interesant të ditës së sotme ndaj përfaqësueses së Greqisë.
Ky takim shkoi më lehtë se që pritej për francezët, me grekët që u treguan të rrezikshëm vetëm në çerekun e katërt, por që këndellja e tyre filloi vonë dhe Franca nuk lejoi befasi, duke e mbyllur takimin me fitore 87-95.
ORARI DHE GRUPET - EUROBASKET 2017
22 pikët e Printezis dolën të ishin të pamjaftueshme për ndonjë befasi eventuale të Greqisë, ndërsa në anën tjetër ra në sy paraqitje fenomenale e dyshes Lauvergne - Fournier, të cilët shënuan nga 21 pikë secili.
Kjo fitore bën që edhe Franca edhe Greqia ta kenë nga 1 fitore e 1 humbje pas 2 ndeshjeve të para dhe Grupi A vazhdon të bëhet edhe më interesant.
